83
Ҳеч қачон ўзингни бошқаларга солиштириш керакмаслиги ҳақида
Масалан тасаввур қил, чойхонада ўтирибсан ва оғайнинг Ғишмат қанча пул топганини айтиб мақтаняпти. Шунда сен ўйланиб қолишинг мумкин мен қанча топяпман деб. Ғишмат қилган ишни қилгинг келиб қолиши мумкин. Бунда сенга ишни севиш эмас, балки пулга қизиқиш мотивация бўляпти. Бу катта хатолардан биридир.
Инсон ўзини ёнидагиларга солиштиришни бошлар экан, у ўзидаги индивидуалликни йўқота бошлайди. Қаердан биласан агар бугун сен Ғишмат билан лаваш бизнес очмасдан мединстдаги ўқишингни виждонан давом эттирсанг, балки коронавирусга вакцинани ёки унинг тез давосини сен топарсан эртага?
Ҳар бир эркакни ўзининг омади келадиган пайти бўлади, агар сен расм чизишни севсанг, севган ишингни ташлаб сенга ёқмаган аммо пул келтириши мумкин бўлган ишга шўнғиб кетма. Бунда стресс сени еб битириши мумкин. Бир кун албатта омадинг келади, сен буни ич ичингдан ҳис қила бошлайсан, ўзи организминг, миянг гапиради ҳозир сени чиқишинг, бос дейди. Шунда омадни бўйнидан хиппа ушлаб қўйиб юборма, шунча кутдинг, ҳаракат қилдинг, сўнги сонияда уни қўлдан бой берма.
Агар ўзингни атрофдагиларга солиштираверсанг, бу нарса стресс ёки депрессияга олиб келиши мумкин. Омади чопган дўстингни навбати келган экан қойил, қандини урсин. Аммо эртага сенинг ҳам навбатинг келади. Ҳеч қачон ўзингни бошқаларга солиштирма, бунда сен ўша бошқалардан кучлироқ бўлишгагина ҳаракат қилувчи инсонга айланиб қолишинг мумкин.
Агар кимдир сендан кўра қийинроқ йўлни босиб ўтиб, сен эришмоқчи бўлган нарсага эриша олса, унга ҳавас қил ёки шунчаки ҳасад қилма. Чунки у сендан кўра кўпроқ ишлаган. Сен ўзингни уларга солиштирмасдан олдинга интилавер, бир кун осмонда сенинг ҳам юлдузинг порлайди. Чунки, сен бунга қаттиқ ҳаракат қилдинг, сен энди бунга лойиқсан. One peace — one love!
Каналга уланиш 👉
https://tt.me/JanobpsixologUZchat