روايـــتـــــك🤎.

رواية: تشوه مظلم "الجزء السادس من الحلقة 2" للكاتبة هبوش الغرياني🦋🤍 __ قاطع الحضن الدافئ هنيه لما دفت الباب عليهم كلهم بعدوا ع بعض واتكوا في مكاناتهم وهما يضحكوا... هنيه..حطت يداها في نصها : صغيرااات والله...غدوا انتوا ال6 تنوضوا من ال7 يااااويلهاا ياا ويلهااا اللي متنوضش...احضاان وحناان ورومنصيه سليمه..ضحكت : اسمها رومنسيه يا اميمه😂 هنيه..رفستها برجلها : نعرفف نتكلممم سجود: وووههعع عليا يا جداي هده رجلي انااا....اححيي هنيه: وتستاهلي حتي انتي...وطلعت وسكرت الباب سجود..دفت سليمه برجلها : حصلت رفسه بجرتك كان راسي بين رجلها راهو فترشاته كملو ضحكهم وسكتوا شويه وكل وحده تغطت هدى: نرقد ساعتين ناقصات ارحم من اني نقعد دركتت بسرعه ما كل وحده فيهم خداها النوم من التعب... عدا حلا اللي مزالت تفكر هلل بيستمروا ع هده الحاله..؟ هل بيجي يوم وتسمع بيه حب غيررهاا..؟؟ غمضت عيونه والدمعه تتسلل من طرف عينها💔. رجعتلها ايامهم ورجعتلها أسوااء اياامهم. محمد: حلا حاولي تفهميني هده المره الالف اللي نجي فها وهلك يردوا فيا...امي يلي مش متصافيه مع امك تجي ع خاطري امك متبيش تسامح ولا تبي تقبل...امي نفس الشي توا مش عاجبها كيف ردتها اكتر من مره حلا: معااك حقق محمد في كل كلمه قلتها...امي منقدرش نكلمها عليك لانها ح تعاقبني وتقولي مدخلكش زي كل مره محمد: اسمعيني كويس انا نحبك منقدرش يا حلا منقدرش نرسم حياتي مع غيرك خلاص انتي كل شي لياا....لكن مش عارف يا حلا حلا: شني مش اللي مش عارفه يامحمد محمد: ح تنطبق علينا جمله احني مش نصيب بعض حلا: ح تتخلا؟؟ محمد: مستحيللللل....ربي ميبيش يكتبلنا النصيب حلا سكرت نت من غير رد عليه رجعت حلا فتحت عيونها بعد لذكرت اخر محادتته بينهم كلامه مزال تسمع فيه (ح تنطبقق علينااا جمله احني مش نصيب بعضض) جمله النصيب كان لها دور في رسم حياتي.. جمله انه كل واحد ياخد نصيبه في الدنيا مهما كان عليه مسافه وبعد.. احني رغم القرب والحب اللي بينا النصيب والقدر مكتبلناش حياه مع بعض.. كلمه هدا مش نصيبك كان توجععع وهلبااا💔. مسحت دمعتها وهي تسمع في أذان الفجر.. قعمزت بهدوء وهي تشوف لبنات عمها راقدات ابتسمت ووقفت مسحت ع عيونها وتوجهت بتتوضأ... رجعت وهي ادور في لبسه الصلاه طرحت الصلايه وزادت دخلت شعرها كبرت تصلي والطمأنينه بدت تدخل قلبها❤. سلمت من صلاتها دعت لربها زي كل مره... لو كان خير ليا قربه ولو شر اصرفه من عليا يارب❤. غمضت عيونها وهي تسمع في المطر❤ #يتبع⬅