152
عالم الجن
البارت2
اخذنا كرتون وكتبنا عليه نعم ولا والارقام والحروف واخذنا حق الكودرد الغطا لانه محفور من جوا ورحنا لمكان اول مره نشوفه هو غرفه صغيره فاضيه مافي الا شوي ضوء وفي باب لما فتحناه لقينا مطبخ مكسر وفيه كراسي وطاولات وحشرات غريبه وسحالي وصوت المروحه عالي والغريب انه من زمان ماحد دخل المكان والنور كان شغال فيه قفلنا الباب وقعدنا في الغرفه الفاضيه وخلينا الباب مردود حطينا اللعبه ع الارض وسوينا دائره الجو كان مرعب الاضاءه خافته وهدوء ماغير صوت السحالي وانفاسنا والمروحه مطينا اصابعنا ع (المؤشر) غطا الكودرد وقلنا (ويجا ويجا كومي تو بلي) كلمات الدخول الى العالم وكررناها ومافي اي رد وقالت هذا كله كذب اصلا مافي شي تجاهلنها ورجعنا عدنا الكلمات وقالت ريم:هل يوجد احد ..فجأه تحرك المؤشر الى نعم كلنا طالعنا في بعض كنا نتخيل وحده منا تسوي مقلب وخرعنا وهي تحرك المؤشر بس ياليت كان كذا بدينا نهدي بعض وقلت مااسمك تحرك المؤشر الى (م)ثم(ز)ثم(و)ثم(ع) (مزوع) خفنا كلنا نجود رفعت يدها من الخوف بدون ماتقول وداعا طالعتها وانا معصبه الجن بتنتقم منك ليه ترفعين يدك بدون ماتودعيي ويسمحون لك بالمغادرة ..ناظرتني نظرات خوف وماردت وقالت جوري بكل حماس وخوف مزوع اثبت لنا وجودك..عم الهدوووء وفجأةة