226
- إنتِ جميلة ..
= أنا مش جميلة ، أنا عصبية ومتسرعة وساعات بكون غبية وخوافة .. أنا بزعل وبسكت وببعد ومش بعاتب ، أنا صعب تفهمني وتعرف مالي لأن أنا مابقتش عارفة مالي !!
أنا منطفية وكئيبة وحزينة ودمي تقيل وتعبانة وبصدع ، دايماً الصداع بيقفلي يومي بيخليني أقولك بكرهك وأنا مش بكرهك ، مش اجتماعية ومبحبش الأختلاط وبغييير أوووي وبقفل على إللي بحبُهم بترباس وهخنقك ومش هتعرف تتنفس ، أنا بعيط ومش بتكسف من ده ممكن أعيط في الشارع قدام الناس أو وأنا باكل أو وأنا بضحك حتى ، أنا عمري ما بعرف أخد الـ first step ، هتحسني باردة مع أني مش كده بس معنديش طاقة أبدا أي حاجة .. أنا بطيئة وإللي عاوزني لازم يتحمل ويحاول معايا مرة وأتنين وعشرة وميزهقش لإني بخاف أسلم قلبي لشخص ، أنا منطوية ومنعزلة ، أنا صندوق أسود مقفول أرجوك متفتحوش لإنك هتجرب وأنا هحاول أديك فرصة لإني محتجاها .. يمكن أكون أحسن .. يمكن تكون أنت المُختلف إللي روحي مستنياه ، بس أنت هتزهق وأنا هفتح صندوقي عالفاضي ومش هينوبني غير الوجع .🤍