روايــات🖤

جيت نبي نخش لحوش مسكتني أمي شفتلها بأستغراب متاع شن في ! بحتت فيه ناهد وأبتسمت بنت عمك ياسين جوا بحتت فيها وأنصدمت وقلت بصوت عالي شوي : مش نحنا متقاطعين ناهد بحتت فيه بتفنيص اسكت وخش سلم عليها وم تجيبش سيرة تضيق لخلق للبنيه هزيت راسي ونا مش عاجبني كيف امي تخششها والعيله كلها مقاطعتهم! اول م خشيت للصالة شفتت ملاك مقعمز اول مره ف حياتي نشوف بنت بجمال هضاا قعدت مصدوم وفاتح فمي نين امي نغزتني فطنت روحي جيت سلمت عليها هيا من حشم مشقادره تبحت فيا به لمابحتت وحدة بسماحة هذي توا تنفجـــــع سلمت عليا وتلفتت لأمي آثيـر بهدوء : عميمه خلاص نا بنمشي ناهد : تمام حبيبتي ردي بالك على روحك وخوتك وزي م وصيتك ديري هزت آثير رأسها وشافتلها وكان نظرة حزن : حاضر هضا كله ونا نشوف وقريب نأكلها بعيوني حرام والله مخلينا مقاطعين وحدة بجمال هضا تلفتت م لقيت حد يالاي طلعت طول برا شفتها تعدل ف نقابها وضبطت أمي وطلعت . أمي سكرت باب فجرتها وخشت قعدت تبكــي نصدمت كنها هذي نذير : كنك يمـا شنفي عندك حد مات! ناهد : سكر فمك بعيد سو قلبي يوجع فيا ع هالقزونة لمذاقت طعمة الراحة والهناء بحتت فيها بهـــزوه : كيف جايه تشكالك من امها ولا من راجل امها لمحتـرم مش هما لعند يمشو مع أمهم ناهد سكــتت وهيا ف عقلها ليعلم يعلم ولـ م يعلم اخخ وخلاص .