روايــات🖤

قعد يضرب فيها نين دهش بعدين صبا تفل عليها وطلع قعدت تبكـــي وهيا خلاص نفسيًا وجسديًا ومعنويًا معاش قادره تتحمل أكثر ذلل أهانة ضرب استحقار مفيش احترام لها مفيش ناس تلجألهم بعد ليصير فيها هيا نادمــة ناادمة لما اقتنعت بكلام امها و وافقت تعيش معاها ومع راجلها ياريتها مشت مع عمامها وعاشت مع خوها لتوا مش ناقصة شي ياريتها م سمعت كلام امها وقاطعتهم ذكرت لصار قبل كم سنة . فلاش باك : أمها ضُحى : زي م قتلك به حبيبتي لما يسألوك مع من بتعيشي قولي ماما آثير هزت راسها : حاضر ماما بس هما يحبونا ضُحى بعصبيــة : لا محد يحبكم نا وعمك فرج نحبوكم وحطت يديها ع وجها وبأبتسامة كلها لئامة توا نجيبلك العاب وشكلاطات وشيبس بس انتِ قولي نبي ماما آثيـر حضنت امها : حاضر ماما نحبك ضُحى بلا نيه حضنتها : به شطورة مشو للمحكمـة وكانو معاها آثير و رواد لـ أكبر منها بثلاث سنوات وكان فاهم كل شي القاضي : الحضانة للأم عمها : بس أمهم ازوجت ونحنا منبوش عيال خونا يربيهم واحد براني ف لذلك نبو عيال خوي وهيا دير لتبيه يا أما تطلق ضحى : بصوت عالي ف أحلامك نا م صدقت طلعت من لعدة تقولي طلقي لقاعدين كلهم بحتو فيها ضُحى انحرجت قصدي ءءا القاضي : امنع صوت بعد جهد وجهيـد أقتنع قاضي بأنهم يسألو لأطفال شافلهم هما لأثنين وسألهم تبو تعيشو مع أمكم ولا عمامكم سبق رواد بالأجابة : عمامي نا منقعدش مع راجل امي أما آثيـــر : ف قعدت تشوف لخوها كيف هيا تعيش ف مكان وهوا ف مكان متعلقة بيه واجـــــــد بعد دقايق صمت وتفنيصات من أمها نطقت بخوف وتردد كبيـــر وياريتها م نطقت وقعدت متردده واختارت عمامها . آثيـــر بصوت مهزوز ومخنوق : ماما بحت فيها قاضي : مسمعتش! آثير وهيا بتبكي خلاص : ماما ومشت تجري لأمها أمها شافت لعمامها بنظرات انتصار طلعو كلهم جت امها عند رواد جت بترفع يدها تضربه بس دفها عمه عمه : ردي بالك تمديها ضُحى بحتت ف رواد ونظرات كرهه : عشان اخترتهم انسى ان عندك ام وأخت فاهم ولا لا.؟؟ رواد بثقة ومش كأن عمره 13 سنة : معندكش حق تحرميني من اختي اما انتِ ف انا ناسيك من وقت ازوجتي واحد غير باتي متخافيش ضُحى مصدومة فيه وف رده : حتى اختك تنساها نا متبريه منك امشي مع عمامك توا ينفعوك رواد بحت فيها بكرهه وطلع الحاضر :