روايــات🖤

روايـة نور البارت 13 بعد ڪم يوم نضمو ءَمورهم ومشو خطبـُو أروى رسمي وبحڪم ءَنهم قرايب وهڪِي دارو بيان عائلي عَ اساس و نور مَ طلعتش من دارها بڪل الفترههَ هذي ڪلهَا وءَمها معاش شڪت تأڪدت بالغصـب مشت معاهم للبيـان عَ خاطر أحمد نجُـو لـ نور ڪَانت منهارههَ حرفيـاً يعني من وين بتلقاها ءَننَ طلع خاين؟ ولا يلعب بيهـَا باش يحرقها ويقهرها هيا وءَمها ؟ ولا خطوبتـه؟ ولا ءَهانته لها؟ بعد شافاته ڪل شي فـي حياتها وشراته بالغالي رغم ڪل شي باعها ڪذبت عَ ءَمها لـ عمرها مَ دست عليها حاجـه عَ خاطرههَ دارت ڪُل شي عَ خاطرههَ فـي نهايه هوا شن طلع غيــر ذڪر . قاعـدههَ تبڪي بصوت جتها إسراء تحضن فيهَا ومَ ديريش فـي روحك هڪِي إسراء : عليش تقهـري فـي روحك هاا هوا ماشي يخطب وجوههَ سمح وءَنتِ حارقه روحك هناا شن بتستفـادي ببڪاك هضا ڪلهه؟ نور : نحبــهه وربي حبيته يـ إسراء ءَول مرههَ نحب وهڪِي يصير فيا بااه ءَنا شندخلني ڪان بوههَ تزوج ماما ءَنا شندخلني يعاقب فيا ويدير فيا هڪي ليهم سبع سنوات مَتزوجين خطـر عليه تواا ءَ شندخلني بالله شندخلني وطاحت تبڪِي إسراء : وجعتهَـا صاحبتها لـ زي خيتها وقعدت تبڪِي لأن الواضح نور حباتـههَ واجد نجـُو لـ مڪان اخرى قاعـدههَ أروى فـ دارها ومعاها المزينـه تواسي فـي مڪياجها سمعت صوت سيارات تحت وزحمـه وزغاريت عرفت عيت عمهَـا جو هناء ءَختها : فرحانـهه عاد من قدك واخذههَ الحب أروى : متـوترههَ حاسه روحي هناء : طبيعي يـ روحي المهم وفا بوعـدههَ وجاك أروى : ءَهاا فرحـانههَ لاڪن هناء : هههه ءَڪيد يحنـهه بهناڪم يارب أروى : إن شاءالله شوي ونزلت أروى دوشـههَ ومنظومه مَ وقفتش ڪَان ڪل شي سمح وراقي وهيا طالعـهَ تهبل الحق خش منذر باش يلبسـُو بعضهم دبل باسها عَ راسهـا والفرحـة فـي عيونه ناسي ءَننَ ڪاسر بخـاطر بنيـههَ يتيمه مَ فڪرش ءَننَ مرات وهيـا فـي حالتها لمخليـها فيها توا حـ تعشم بيه عشـم عمرههَ مَ حـ يتوقعـه ناسي شن دايـر وشن مخلي حرقـههَ وقهرههَ فيهـا ڪمل البيان عَ خير وروحو ڪل حد لـ حوشه وفرحانيـن لـ منذر و أروى أنتصار : باههَ يـ ماما عَ خاطري أشربي حتى العصير نور : قلت مَ نبيش خلاص أنتصار حطت يدها عَ شعرهـَا : ربي حـ يأخذ فيه الحق مش حـ تمشي بساهل لدارههَ فيك نور : ڪيف شتقولي ماما؟؟ أنتصار : ءَنا عارفه ره وعارفه ءَنك فـ الحاله هذي بسبب منذر وعارفـه أنڪم ڪنتو فـ علاقة لـ ءَنا بروحي مش راضيـه عليها نور : ماما ماهو أنتصار : لـ صار صار وءَنا مَ نلومڪش مَ فيش حد مَ يغلطش يـ ماما ڪذب ڪلنا غلطنا وزعلنا وبڪينا بس ءَهو ڪل مَ نڪبرو ننسـو وعشنا حاجـات ءَڪبر من لزعلنا وبڪينا عليهن ءَنتِ مش صغيـرههَ توا وحـ تمري بحاجات أخرى وإن شاءالله ڪلهن خير بس لو ڪل مَ صار معاك شي تقعدي وتبڪي وتقطعي لماڪلهه ومعاش تڪلمي حد حـ تتعبي يـ ماما خليك أقوى منهڪي منذر مش أغلى من بوك لخسرتـيه قبل مَ تشبعي منه ريحينـي يـ ماما وڪولي الله يربحـك مشناقصني نخسرك حتى ءَنتِ نور : ڪان جعت توا ناڪل وعد أنتصار : مش حـ نضغط عليك ءَڪثر تريحي شوي ولا تعالي معاي فـي صاله نور : بنرقد شوي أنتصار : تمام تعالي عندي رقدت عَ رجلين ءَمها وهيا تلعبلها بشعــرها لعند رقدت وأنتصار تشوفلها وتحسب فـي منذر شن مزال حـ يصير و نور هل حـ تتحسن حالتها ولا تزيد ءَسوء من قبل ؟