روايــات🖤

روايـة قـدري .. بارت 4 يا انتـي ولحقها يجري إسوة تمشي مش معدله عليه وقف قدامها وداهش : هوي نكلم فيك إسوة : اخطاني ترا سلم وليدي مش رايقتلك : به خلاص انتي هنا مش عارفه وين تمشي تو نوصلك ني عرفته شارعكم إسوة : مـ نبي منك شيء سيوري لاقيه الطريق ومروحه ومشت وخلاته كان في مجموعه شباب اللي يدخن واللي لاهي ف تلفونه فاتت من جنبهم شاب 1 : ححيي ع ام الجمال شاب 2 : قمر ويمشي بروحه كيف صار إسوة صبت و بتهديد : ترا غم فمك انت وياه خير مـ تشوفو شيء ميعجبكمـش تقدملها واحد منهم : ها وريني وخرت وقلبها طبل وزمطت ريقها : اقلب وجهك ترا زاد قدم لين وصلها ميفصلهمش شيء ورفع ايده إسوة غمضت عيونها وتوخر لين حست بصوت ضرب لقاته قدامها ويضرب فالولد خلاه دم فنصت عيونها وتشبحله " هذا من مسلطه عليا لاحقني من مكان لمكان " جاها صوته : قدامي للسياره إسوة : واخد فـ روحك مقلب انت ترا اخطاني مش ناقصتك مش كان ضربتهم وخليتهم يخطوني معناها نطيع اوامرك لا يا بابا اسمـ قطع عليها : مكثر كلامك و مسـگ يدها بالقـوة وكرها معاه ، اما هيا فـ منستها فمسكته ليها وتمشي وخلاص وقف للباب اللي جنب السواق وطلق ايدها وبحزم : اركبي إسوة شافت لعيونه الحمر وعروقه البارزات خافت فتحت الباب وركبت زيها زي الشاطرة روايات زهـروش السرتاوي.. واقفـه فـممر العمليات وتمشي يمين ويسار فجأة اشتغل جهاز الإنذار وجو يجرو مجمـوعه دگاتره خشو الغرفه وهي قعدت تراجي ع اعصابها طلع دكتور مشتله تجري : طمني دكتور ..💔 غسان : حالته حرجه شوي اني جيت انظم نبـضات القلب خلال العمليه تو يطلع الدكتور المشرف ويحكيلك ع الحاله ساجده هزت براسها ودموعها موقفـوش جاها ممـرض : لو سمحتي ساجده : تفضل ؟ الممرض : الريسبـشن طالبينك ساجدة : تمام ، مشت وهي تفكر شن يبو منها وكيف بتدير لو تكلفه العمليه واجده وصلت : السلام عليكم الشاب اللي ع الريسبشن : وعليكم السلام ، انتي اللي جيتي من مشفى القريه ؟ ساجدة : اي ، في شيء ؟ مراد : لا بس نبي معلومات المريض ، اسمه وعمره عشان نفتح الملف عطاته ساجدة المعلومات : ا اااحم لو سمحت كم تكلفه العمليه ؟ على جية غسان : انتي طوارئ ولا ؟ ساجدة : اي غسان : العيادة متاخدش ف تكلفه الطوارئ اول يوم يعني انتي انجبرتي تجي هنا مش بـ إرادتك والشيء هذا متفهمينـه ساجدة : اها مشكور ما قصرت غسان يشوف لعيونها المدمعات حس ان في شيء يربـطه بيهن بس شنو مش فاهم ، بعد عيونه من عليها : ولو العفو ، مـراد بالله عطيني الملف بنوقع انصراف مراد : حاضر هي طلعلـه الملف وقـع وطلع اما ساجده فـ رجعت قدام العملـيات وهي تدعي لبـوها .. ركب السيارةة وعيونها قاعدات في باله : نحس ف روحي نعرفها البنت هذي بس وين وين قاطعه صوت سياره وراه تبيب .. روايات زهـروش السرتاوي.. بعد ركبت فاق عع روحه : به ني شن دخلني بيها ؟ تمشي بروحها ولا تبلط شن درت ني بس شبحلها القاها تشبح لوطةة و تبرم ف خاتمها مشي لباب السواق فتحه وركب بهدوءء إسوة " وووه يربي شن درت ف عمري كان غسلت معاها الفرشه خيرلي ، لا لا يحمارة شن تغسلي معاها هذا ما نقص متكونيش ضعيفه هكي غمي فمك بس " حطت راسها ع مسند الكرسي وتنهدت بعدها اذكرت للموقف اللي هي فيه ونطت اما هو فـ گان يشبحلها من طرف عينه ويضحك داخله ع توترها وحركاتها العبيطة .. قطع الصمت وقال : مـتعرفيش محل ،جامع ،مدرسه اي شيء قريب من حوشكم ؟ إسوة : منعرفش شيء اصلا ملياش واجد هنا : به وتوا كيف بنعرفه ني حوشك ؟ إسوة طارتلها وبدت تتكلم بصوت عالي ويديها هني وهني : ومن اللي قالي اركبي عرفته شارعكم وبعدين كل شوي حوشكم حوشكم ماهووش حوشنا ايوا حوش سليمه البهيمة وتوا مدخلنيش فيك دبر راسك اوحي مهم توصلني للحوش يضحك ع الصامت : به به بشويه كليتيني بقشوري إسوة خدت نفس وهدت شوي وفتحت الباب شد فرينو بسرعه : هوي هوي خيرك هبلتي انتي تفتحي والسياره تجري إسوة : شن دخلك فيا هبلت انجنيت ختشت مليكش علاقه راكبه معاك لا نعرفك لا تعرفني واحد كذا ننننن اركبي عرفته شارعكم هو ما عارف راسه من كرعيه : به غير سكري الباب مش ح ناكلك يا بنت الناس نوصلك لحوشك بس إسوة : وشن عرفني بتوصلني لحوشي ولا غير تضحك عليا حلايلي حرايمي شعرفني بيك وماه قتلك منعرفش شيء هنا خليني نمشي ع رجليا ولا نمشي مع واحد منعرفاش : لهنا واستووب صار نضحك عليك ومش مروح بيك ؟ انزلي هي دوري بروحك روحتي ولا جعنك ما روحتي مدخليش الواحد هارب من الحرام ويساعد لوجه الله يطلعوه حرايمي وعلا صوته انززلي إسوة انصدمت من روحها اصلا كيف تقول كلام زي هذا وتظن بيه السوء وهو اللي ساعدها نزلو دموعها وهزت راسها بـ لا ... #يـتبع...