روايــات🖤

روايـة قدري .. بارت 3:/ مقـعزه ع الكرسي وتبكي تحس ملجأها الوحيد وطريقه تعبيرها هي الدموع مفيس وسيله اخرى وهي بين شهقاتها وقف عليها شاب : وخيتي تبي شيء ؟ رفعت عيونها المعبيات دموع فيه :لا مشكور الشاب في داخله الله واكبر عليها جمال خرافيي ايش ده احم استغفر الله لكن وربي عيونها فيهن جمال الدنيا كلها شبحت فيه إسوة لقاته قاعد واقف وسارح فيها رفعت حاجبها : مريح شي فِـ وجهي ؟ ترا سلم وخيي امشي من حداي مش ناقصني وجهه ولا احمر من الاحراج : احمم لا غير قلت بلكي تغيريي رايك إسوة : في شنو ؟ الشاب : مش محتاجه شيء ؟ إسوة : لا لا شافلها وكأنه يحفظ فِـ ملامحها وبعد عنها .. بعد وي هدت وقعدت تفتـش فـِ جيـبها تبي تشوف الساعه ملقتـش هاتفها : هووووففف نسيته فـ مكانه .. نطت من مكانها بسرعه ححي عليا ني وين ؟ وين طريق الحوش ؟ ههئئئئ ياربي شن بندير توا وووه اكيد ماما مشغوله توا كله من سليمه البهيمه هذي الله لا تربحها ... حاولت تذكر من وين جت وتمشي تطلع من شارع تخش لِـشارع لين ايست ونزلو دموعها گان في سيارته يشبحـلها من بعيد كيف نطت وتلتـفت هني وهني عرف انها رايحه بدت وين ما تمشي هو وراها بِـ السيارةة في شيء جذبه ليها مخـلاشي يفوت الموضوع ويروح بالعگـس خلاه يراقبـها قدمت من السرير تهز فيه بابا نوض مردش عليها استغربت حولت البطانيه من ع وجها وشههقت شافت بوها وجهه ازررق وباين انه مختنـق طلعت برا تجري وتنادي فـِ حد من الجيران يجو يساعدوها كان في شايب و ولـده سمعوها جو يجارو طلعوه للسـياره وهي خشت تجري لبست عبايتها و خدت هاتفهـا وطلعت مشو للمـستشفى اللـي فالقـريه كان ع حالهم بسيط ومافيشي شيء غير الإسعافات الاوليه حاولو معاه حطوله الأگسجين وهي برا ع اعصابها ودموعها سيل ع خدها ترن ع إسوة متردش اااه ياربي ساعدني الشايب جنبها يخفف عليها طلع الدكتور قاللهم لازم يبي رفع لمستشـفى المدينه لان هنا حاولنا نردوله التنفس الطبيعي بس ومش عارفين مشكلته .. انهارت بكي لانها ما تعرف حد لا هنا ولا فـ المدينـه الشايب جارهم قـاللها ان ح يأجرلهم تاگسي ترفعهم للمـدينه شگراته وخشت لبوها .. اااه يا بابا ااه شن بنـدير ني توا طلعت قالت للدكتور انها ح ترجع وتـرفعه .. رجعت مع الشايب لحـوشهم ومقصرش معاها اتفق مع التاگسي وخلصـه أكثر من هكـي ما عنده ما يدير خـشت ساجـدةة للحوش خدت شنـطه حطت فيها دبشها وحاجتها وخـشت لدار بوها حطتله دبشه وخدت الفلـوس وتدعي ان يسـدوها لان كان مبلغ قليل التفتت بتطـلع شافت الملف اللي شافاته مره عند بوها تنهدت وطفت الضي وطلعت .. ساجدة : رجعت للـمستشفى وني قلبي متقطع مقويه روحي بسيف عشان بابا القيت التاكسي يراجي طلعناه ني والممرضه للسيارة ركبنا واتجهنا للمـدينه .. 💔 فـ المدينه .. طـالع من غرفه العمليـات يمسح فـ جبهته لاقاه اب المريضه : ها دكتور غـسان شن صار غسان : مش ح ندرق عليك شيء وضعها حرج الضربه جتها قويه وع مكان حساس فـ الراس حاولت نوقف النزيف والحمدلله وقف اب المريضه : باهي شن حالتها توا نرفعها للخارج ولا كيف ؟ غسـان : نقلـتها للخارج مش ح تستفيـد منها شيء وتو خلال 24 ساعه الجايه يتحدد وضعها شنو ونقدرو نديرو صوره اخرى ع الراس ونتاكدو اب المريضه : تمام مشكور غسان : ولو واجـبي ،، طلع من جناح العمليات ومشي لمكتبه قمعز بتعب يتريح شوي لانه ليه 6 ساعات واقف ما بين كشف وصور وعمليه ،، خش عليه وليد : السلام غسان : وعليكم وليد : شجو غسان : تمام وانت وليد :بخير ، وين بكري جيت ملقيتكش غسان : كان عندي عمليه وليد : ييععع هذا الطب اللي بتنكلب عليه شوف روحك كيف مولي غسان : وليد اطلع من راسي مش رايقلك وليد : تي الحق فيا ني اللي تذكرت ان عندي صاحب وجايك غسان : بسلامه وليد : ملح مش مروح غسان : ههههههه هذا اللي يعجبني فيك وليد : المهم هوي غسان : انطق عارفها جيتك هنا وراها مصيبه وليد : احمم اي نبيك تدبرلي شقه غسان : شقه ؟ وليد : اي يـ را شقه اجار ولا شري مش مهم غسان : باهي تو نشوفلك وليد : منور وربي ، هي سلام عندي شوي مشاوير ني غسان : سلام وصلتهم التاگسي لحد باب المستشفى نزلت ساجدة تجري بتجيب كرسي لاقاها ممرض : خير تبي شيء ؟ ساجده : معاي مريض دايخ نبي كرسي الممرض : تم هي مشي يجري للطوارئ قاللهم يجهزو ارواحهم وجاب باريلا وجي للسياره ركبوه وخشو بيه يجارو لان حالته كانت حرجه ومتراجيش .. تشبح للـطريق تايـهة قطـع تفگيرها صوت : يـ آنسه .. إسوة "مش هذا الخرا اللي بكري " : احمم نعم خيرك تلحق فيا : مريت بـالصدفه لقيتگ تبي شيء ؟ إسوة " يـ بنت مش وقت كرامتي سر سعادتي توا خلي نتكلم بشويه ادب " : ااا زمطت ريقها اي الحق طلعت من الحوش ومعاش عرفت من وين جيت .. : وين تسگني انتي ؟ إسوة : فـ القـريه بـصدمه : من القريه جيتي هنا ؟؟