روايــات🖤

روايـة قـدري بـارت 1:/ گنت مقمعـزه فـ الجنان گالعادةة قعدت نسمع فـهرجت عويله جيرانا يلعبو تذگرت طفولتي اللي عشتهـا وحيدةة ما عندي مع من نلعب ولا نهدرز ولا نشگي غير لصديقه عمري إسوة كنت ني وياها مع بعض من خامس ابتدائي وكملنا لتوا مع بعض وع قلب واحد سارحه نفگر ف حالتـي وحياتي اللي عشتها لا سنـد لا عزوة قطع تفكيري صوت الهاتف يرن هه من غيرها اسوتي ديما حاسه بيا اسوة : الوووو يا قاطعه شنجووك : الحمدلله تمام شنجوك انتي إسوة : تمام بخير ،، سجو خيره صوتك هكي !؟ ساجدة : مخيرني شي مستاحشتگ بس إسوة : وربي حتني كوومياتت كومياات اصلا خلاص قريب نروحو تو نجيك ♥️ ساجدة : و احلى من يجي ،، ايي شنجوك شن جديدگ إسوة : شيء ملل ملل روتين امي تطلع وني نقعد مع عمتي وبناتها دراه الكبد واصلا ما يمشيش معاي جو المدن هوا اخخي يسد النفس غير الله غالب بسيف عليا ساجدة : الله غالب تحملي وخلاص شن بتديري إسوة : ايي وهو هذا المهم قوليلي كيف حال عمي ساجدة : الحمدلله حال الكساد باتي يطلع للخدمة وني فالحوش إسوة : اخخخ يربي ،، تعرفي ني محتاجه فلوس نعاون امي خوتي مصاريفهم كثرو وانتي لازم بوك مريض ميقدرش ع الخدمة ديما مفيش حل الا نخدمو ره ساجدة : انتي عارفه راي بوي ف الموضوع هذا مسكر راسه وامك مستحيل تخليك وبعدين شن بنخدمو ريت هالمدينه اللي عايشين فيها يعني كان بنخدمو مضطرين ننزلو للمدينه قداش كيلو كل يوم إسوة : حتى وكان خيرها القريه مينخدمش فيها بعدين سكتت دقايق قالت وهي تعلي ف صوتها بلعاني: اني في حسبه تصنت عليا تحسابني زي بناتها نكلم فالمفرخ تو نروح ونهدزو تمام ساجده وهي تضحك : هههههه تحشمي يقردةة عمتك سلام سلام (( طـبعا هم عايشيـن فِـ مگان ريفي ومـزارع شجـر وغرس اخضـر فالتـركينه جاي حوشهم نـظام استـراحه دارين ومطبخ وحمام ومسافه يمكن ربع ساعه ع الرجلين حوش اسوة والمنطقه يمكن فيها 5او 6 حيشان بس عايشين حياتهم بعيد ع زحمه المدن وضجه السيارات ناس بسيطه جدا وعلى حالهم )) تذكر فِـ موقف قبل شهرين ساجده : بابا خليني نخدم انت تريح تاعب معاش تقدر عليها الخدمه سالم : ساجدة الموضوع هذا معااش تفتحيه كملي قرايتك وخودي شهادتك قبل بعدين يصير خير سكتت ساجده وهي عارفه بوها مسكر راسه .... روايات زهـروش السرتاوي .. ساجدة: اخخخ يا بابا اخخ ناضت نفضت دبشها وخشت شوي وخش بوهاا سالم : السلام ساجدة : وعليكم السلام اهلين بابا سالم : كيف حالك يحنهه ساجدة : الحمدلله ،، هي خش اغسل تو نحط العشي حطت العشي وبدو ياكلو تغسل فـ الماعين تسمع فـ صوت سياره برا تبيب طلعت لبوها ساجدة : يا بابا في سياره تبيب برا سالم : تو انوض نشوفها هي طلع لقي سياره برا قدملها : تفضل !؟ : هذا حوش سالم ...... سالم : اي خير ان شاء الله اني سالم مدله ملف : تفضل يا حاج وخر سيارته ومشي زعمى الملف هذا شن فيه !؟ وسالم وين عيلته !؟ واسوة بما انها متحبش عمتها ولا تحب المدن ليش ماشيه ؟