روايــات🖤

روايـة قـدري .. بارت 2:/ مقمعز يتفرج ع الورق اللي فيده ويضحك بهزوةة بالله يا مصطفى مشقاك شن بندير بيهن بعد هالسنين حتى بوي اللي مكذبني توفى ااااه ع الظلم اه ، خشت ساجدة : بابا من جي ؟ سالم : لا لا هذا واحد غالط ساجدة : شنو الملف هذا ؟ سالم : سجو ترا جيبيلي طاسه اميه عطشان طلعت ساجدة تفكر فِـ غموض بوها اللي كل ما تساله ع حاجه يتهرب .. (( ساجدةة البنت الوحيدة لِـسالم عمرها 18 سنه عايشه هي وياه بس توفت امها بالسـرطان بعد سيبو المدينه وجو هنا لِـسبب حنعرفوه لـقدام گان عمرها 3 سنوات وقتها بوها رفض يتزوج بعد امـها وكمل حياته فـالقريه يخدم ويربي فيها )) فاتت ليـله غامضه وكلها تفكير ع ساجدة اللي تبي تعرف كل شيء ومن حقها تعرف ع الاقل وين هلها تحكي وهي مسنده راسها : لا خوال ولا عمام معقوله ؟ حتى اللي مقطوع من شجره مش هكي ،، هووف باه تمام ماما يتيمه من صغرها عايشه في ميتم وبعدين تزوجت بابا ، به وبابا وين هله ؟ ليش ميبيش يحكيلي عليهم وني صغيره مذكره ان عندي جد وجدة وعم به وينهم ؟ اخخخ ياربي بالله نرقد خيرلي وفاتت ليلـه سعيدةة ع سالم اللي اوراق براءته بين يديه رغم ان عارف روحه ومتأكد ان مدارش شيء بس مكانش في دليل معاه .. وفاتت ليلـه مملـة ع اسوة اللي متبيش تقعد فالمدينه ولا لحضه كان تلقى من بكرة تروح .. مـشي القـمر وخلا مكانه للشمـس تشرق وتضوي بـضيها ع كل شخص مرقدش ليلته حزين او سعيد فرحان او مهموم مهم كله مشي مع الليل وبدا نهار جديد .. ناضت اسوه ع صوت امها : نوضي هيا اسوه إسوة : ها يا ماما ها شن تبي فاطمة : نوضي خلي خوتك بحداك بنمشي ني إسوة : ههووف باهي نايضه امتى بنروحو لحوشنا ؟ فاطمه : نتم خدمه ونروحو اسوة : بسرعه يماما بسسرعه مش قادره نتحمل المعيشه هنا فاطمه : به ي اسوة غير حداك خوتك راه يتعاركو مع صغار عمتك ((إسوة هي كبيرة امها عمرها 18 سنه عندها 3 خوت اصغر منها فارس صف اول و واحمد5 سنوات ومحمد 3 سنوات ،، بوها توفى لما كان عمر محمد شهرين بس كان ماشي للمدينه دار حادث توفى ومنها هي تكرها تحس انها خدت منها بوها وزاد الحمل ع امها مصاريف وخدمه وكذا )) روايات زهـروش السرتاوي.. ع الظهر اسوة تلعب فِـ خوتها خـشت عليها عمتها : إسوة ترا نوضي اغسلي معاي الفرشه إسوة رفعت حاجبها : وبناتك وين ؟ عمتها سليمه : البنات راقدات تاعبات من الجامعه إسوة : اي بناتك تاعبات وراقدات وإسوة تنوض تغسل عادي ؟ سليمه : وكان عاونتي عمتك شن فيها ؟ إسوة : هه عمتي قلتي ؟ وقت مصلحتك تكوني عمتي اما الباقي بنت فاطمه اللي تزوجها بوي غصب عليكم ع خشت امها : إسسسوووة شن الكلام الفارغ هذا هكي ربيتك ني ؟ إسوة : ماه في ناس متستاهلش نعاملوها بالقدر جايه تقولي اغسلي معاي الفرشه وهي امس مسمعتني كلام وقف شعر جسمي واليوم ع الصبح تهزب ف محمد لانه يجري وزحف الفرشه من مكانها وقبلها ياما ياما دارتلك وتوا تبيني نتكلم معاها بـ أدب ؟ فاطمه : اسوة سكري فمك واغسلي مع عمتك إسوة : لا يا ماما الفرشه وديني ماني غاسلتها اهونا بناتها متمرقدات تنو قطع كلامها كف من امها : تردي عليا ؟ إسوة ماسكه دموعها : جبرتيني يماما جبرتيني ، شبحت ف عمتها بحقد اللي تشبح للموقف وتبتسم وطلعت من الحوش مشت ومشت ومشت متعلمش ع روحها كم قطعت شارع لقت كرسي ف تركينه مشت قمعزت عليه وتبكي بحرققه امها ضربتها وهي مش فاهمه رايها ف عمتها تذكرت بوها وتذكرت اياام تجي هنا معاه كيف تعامل فيها جداها وعمتها ويقوللهاا انتي بنت فاطمه مش بنت ولدنا كانها عزاره مدايراتها جي سالم من الخدمه تاعب شوي رقد وقال لساجدة تنوضه مع 3 العصر ساجدة وتت الغدي لبوها ومشت تنوضه خشت عليه : بابا بابا نوض هي وتيتلك الغدي بوها راقد لا رد قدمت من السرير تهز فيه بابا نوض مردش عليها استغربت حولت البطانيه من ع وجها وشههقت إسوة اللي طلعت من الحوش ومشت ومتعرفش المدينه شن بيصير فيها؟ وسالم خيره وساجده شن شافت ؟؟