روايــات🖤

روايـة قـدري .. بارت 5 نزلو دموعها وهزت راسها بـ لا : مش هكي رباني الغالي مش هكي شبحت فيه : آسفه ونزلت تجري.. خبط الدومان بـ غل : النن... كيف تعيط ع البنت هكي وين بتمشي توا ، هه تي قتلك مدخلكش بيا وطلعاتك متنفعش اذكر لعيونها ودموعها والله عندها حق راكبه مع واحد متعرفاش هكي بتقول طبعا فتح باب السياره ونزل وراها التفت يمين ملقاهاش التفت يسار القاها تمشي وتلوح ف يديها ضحك ومشي يجري وراها إسوة : اني العبيطه الغبيه تو شن بنير اااه يا ماما ححي عليك وحي بنتك راحت يرويحتي عليك وخلاص شافت رشاده جت قمعزت عليها ودموعها زي المطـر ..💔 جي وقف قدامها : خلاص امسحي دموعك شافتله وطبست راسها : خلاص امشي ف حالك مشكور ع اللي درته : نوضي قدامي هيا تشكريني وين توصلي لحوشكم اه قصدي وين توصلي لحوش سليمه البهيمه ضحگت وسط دموعها ع گلمته سرح فـ ضحكتها : يا لبببيييه ع الضحكه يناس فاق ع روحه : ااا احم هي تفضلي مشت وهو وراها ركبو السياره وبدو يبرمو بدون هدف مرن عشر دقايق وهم في صمت فجاة عيطت إسوة ... طلع الدكتور من العمليات جاته تجري : دكتور طمني ! الدكتور : درنا اللي علينا والباقي على ربي ساجدة : يعني شنو ؟ الدكتور : الحاج تاعب عنده القلب والضغط وهذا مرض كبر ربي يلطف بحاله ساجدة : باهي وتوا تميتو العمليه ولا كيف ؟! الدكتور : اي درتله عمليه مستعجله وكانت ع القلب توسيع شريان وتوا بنحطوه فالعنايه لعند نشوفو وضعه ساجدة : به نقدر نشوفه ؟ الدكتور : توا صعب لان كيف طالع من العمليه وحالته متحملش ساجدة : تمام مشكور مشي الدكتور وهي قمعزت تبكي تذكر ف كل حياتها مع بوها هو كان ليها الاب والام والسند وكل شيء فجاة تشوفه طايح ومش قادرة تديرله شيء شعور سيء ، اذكرت إسوة فتحت تلفونها ورنت عليها بس لا رد زادت انشغلت 💔 وصل للحـوش طفى سيارته ونزل .. خش من البوابه وطول لحوشهم نادى ع آمه جاه صوتها من المطبخ مريم : تعال اوليدي اني هنا غسان خش : السلام مريم: وعليكم السلاه يحنهه شنحالك غسان، : كويس شنحالك انتي مريم : الحمدلله ، نحطلك اتغدى ؟ غسان : لا لا هالك نبي نرقد بس ، غسق وين ؟ مريم : عند ملك غسان : اها ، مهم متنوضونيش تو انوض بروحي مريم : به اوليدي (( اب غسان اسمه محمد عنده شركه يخدم فيها متزوج مريم عن حب اما مريم ف هي ربه بيت وحنونه لابعد حد عندهم 3 اولاد وبنت الكبير غـسان دگتور معروف وشاطر عمره 26 سنه انسان وقت الجد جد و وقت البصاره بصاره والثاني عـزام عمره 24 سنه خريج اقتصاد يخدم مع بوه فالشركه غسق 18 سنه دلوعه هلها فرفوشه متاعت مقالب وديما مع بنت عمتها ملك واخر العنقود سـالم عمره 3 سنوات )) رگب غسان لِـجناحه وصورتها قاعده بين عيونه ياربي وين شايفهم العيون هذين ني وين هووف بالله نرقد خيرلي خش خدي دوش سريع ورقد بدو يبرمو بدون هدف مرن عشر دقايق وهم في صمت فجاة عيطت إسوة : حححيي عليااا😳 شبحلها مصدوم : خيرك يـبنت ! إسوة حطت يديها ع وجها وطبست : راجل سليمه فالسياره اللي جنبنا شاف السياره : باهي خيرك تقول شايفه عفريت إسوة : بيشوفني ويفهم غلط ماما ح تنجلط وربي مردش عليها وبدا يلحق فالسياره إسوة : حمار انت ولا عبيط ولا شن ؟ متلحقاش بيشووفني شبحلها ع جنب : بارك الله فيك 🙂 إسوة : تي فوت متلحقاش بيشوفنا تنهد وقال : كيف بنعرف الحوش كان ملحقتاش اسكتي بس مش ح يشوفنا وين قربو من السياره نزلت لوطه وهو سايخ من الضحك على حركاتها وقف ف نهايه الشارع شاف سيارة الراجل وين وقفت ونزل منها : صبي صبي اهوا نزل هذا الحوش ؟ إسوة ناضت : وينه ترا اي اي هذا هو هي باي وشكرا بارك الله فيك واسفه خديت من وقتك واي ص قاطعها : ساد ساد شن هذا بالعه راديو ؟ إسوة : الحق فيا نشكر فيك لكن شكلك متستاهلش 🙂 ضحك : به مهم نحطك ع الباب ولا تمشي بروحك إسوة : لا حطني ع الباب خلي يقرو فاتحتنا 🙂 هي تشاو ومشكور وجت بتنزل مسك يدها : اااحم اني عزام وانتي ؟ إسوة ارتبكت وفكت يدها : عزام ؟ عزام ااححيي محلاه اسمي♥️ : اي عزام ، وانتي ؟ إسوة : عاشت الاسامي ، إسوة عزام : إسوة ؟ يههبل إسمك ع فكره إسوة : شكرا ، هي باي ونزلت تمشي ع رجليها لين وصلت الباب وهو وراها بالسياره دقت الباب فتحتلها امها اضبطتها طول وهي تبكي : ويينك يا ماما وينك وين مشيتي إسوة : اسفه وربي ما قصدي نعلي صوتي بس استفزتني فاطمه : غير وين مشيتي بس إسوة : ما عندي وين نمشي ادهورت شوي وجيت فاطمه : خشي اهي سجو حرقت التلفون اتصالات إسوة : ححيي خيرها فاطمه خشت وإسوة ردت بتسكر الباب القاته قاعد واقف بسيارته جاته تجري : خيرك قاعد واقف عزام : شيء إسوة : به طير قبل لا يشوفوك ومعرفه خير عزام : باي إسوة دارتله باي وخشت تجري سكرت الباب وخشت للصاله لقت عمتها وراجلها فاتتهم وخشت عمران : هذي خيرها خاشه لا سلام لا كلام