روايــات🖤

سليمه : والله لولا عيون خوي الله يرحمه ما نخليهن دقيقه فهالحوش عمران : على كيفهن يتمن حاجتهن ويروحن إسوة خشت الدار لقت امها مقمعزه تسكت ف خوها يبكي إسوة : خيره احميدة ؟ فاطمه : ما خيره شيء زودي شوفي سجو خيرها فارس خوها : هذي لمار بنت عمتي ضرباته إسوة : هالحقيرة وربي نوريها وطلعت وعيونها شرار خشت لدارهن بالقوة نطت لمار : هيي خيرك تقول مداهمه لمى : في حاجه فالادب اسمها استئذان ولا متعرفيشي إسوة : خليتهلكن الادب يا مريشات معقوله بطولك بعرضك عمرك ف 24 تضربي ولد عمره 3 سنين لمار : يتادب عاد مش حوش بوه يجري هني وهني ويضحك إسوة : تي طفل طفل شتخرفي انتي بيضحك ماله تبيه يبكي بيش ترضي عليه يا مريضه لمى : هي هي خلاص عاد إسوة : انتي غمي فمك وين نكلمك ردي ،، وانتي يلي دايره روحك مؤدبه تحسابيني راقده ع وذاني زي هلك ره ريته اللي امس جابك لمار : غمي فمك يـ بنت الكلب إسوة : تو نوريك منهيا بنت الكلب وتنط عليها ضرب على عض ع ترييش شعر ولمى تفك فيها تضربها وتولي لـ لمار سمعن العياط سليمه وفاطمه جن يجارن وبعد شياط الريق فكوهن 🙂😂✌️ روايات زهروش السرتاوي.. لمار تبكي بالعبره : ووه يماما ريشتني هذي وحش مش بنت إسوة واقفه وتتكلم بـ أستفزاز : عشان مره تانيه ايدك تنقص قبل لا تضربي عيل صغير ولسانك ينقطع قبل لا تقولي بنت الكلب راه وربي غلي مزال ما فشيته فيك احترمي نفسك واسكتي سليمه : فاطمه شدي بنتك شن هذا لعب عويله هو تو بكرة كيف بتمشي لجامعتها بهالمنظر خزي بلا ربايه فاطمه تفنص ف إسوة : حقك ع قاطعتها إسوة : ههههههههههه قالت كيف بتمشي للجامعه قالت تي هي مضنيش تقرا بكل تي امشي بالله شوفي بنتك بعدين احكي ع الربايه سليمة : لا الحمدلله بناتي مربيات احسن تربيه سلم بوهن ي حنهه مش ربايه مراه إسوة : دايره روحك تلقحي ولا كيف ؟ راه اللي تحكي عليه خوك يا ماما هذا اولا وثانيا وااضحه الربايه تقطر تقطير لدرجه تمشي وتجي مع فرخ صايع ضايع يضحك عليها ،، هي هي ماما حوش انهان فيه بوي والله ما نقعد فيه دقيقه سليمه : فرخ شن شن تخرف البنت هذي لمى : متعدليش عليها يا ماما هذي كذابه سليمه : انتي اسكتي ،لمار انطقي الكلام اللي قالاته المصيبه هذي حق ولا كذب إسوة خشت ع خوتها : هي حبيبي فروسي ضم العابك بنمشو خشت فجرتها امها : إسوة بلا هبال فرخات عندي عمل ني قاطعهم صوت التلفون ردة اسوه بلهفه : سجوو ،، شنووو وين ؟؟ به به جايه #يـتبع .... #روايات_زهروش_السرتاوي