روايــات🖤

روايـةة قـدري .. بارت 6 قاطعهم صوت التلفون ردة اسوه بلهفه : سجوو ،، شنووو وين ؟؟ به به جايه فاطمه : شن جايه خيرك انتي وخيرها سجو إسوة تلم ف العاب خوتها :عمي سالم فالعنايه يماما هي بسرعه ضمي باقي الدبش فاطمه : هههئئئ خيره ؟ تي وين بتمشي معنداش وين نمشو تحملي بنيتي نتم هالشهر إسوة : ولا دقيقه زياده نقعد تحت شجره ولا نقعد فهالحوش انتي بتقعدي اقعدي اما ني ورب العزه ما بايته هالليله هنا بناخد خوتي ونطلع ، كملت دبشهم لبست لفارس شنطه ع ظهره وشنطه سفر كبيره حطتها ع الباب لبست عبايتها هي ماما بتمشي ولا فاطمـة لبست وشاحها : ربـي يهديگ يبنتـي ما عندي ما نقول وشدت أحمد من يده وخدت الشنطـة اللي ع الباب وطلعت .. إسـوة : هي فروسـي وطبست ع محمـد : خلاص حبيبـي رديتلگ حقگ ٱضعاف مرغتها طريحه رباش القبـور 🙂 محمد ضحگ ، إسوة : خيتـي محلـى هالضحگه وطباته وخدت هاتفها وطلعت لقت أمها فـدار البنات فاطمة : هي بسلامـهه وسامحونا ع الإزعاج .. سليمه : گان قعـدتو تو مغرب وين ماشيين إسوة : مااما هياا وطلعت للصـالة لقت عمران تخطاته وفاتت طلعت وراها أمها يد فيها الشنطه ويد فيها أحمد : مع السلامه عمران عمران : مع السلامه توصلو طيبيـن إسوة واقفه فـالشارع تبي تاگسي فاطمة : به وبعـدين ؟ إسوة : ولا قبليـن بنمشو للعيادة اللي قالت عليها سجو مش ح نخليـها فاطمة : به وشغـلي ني موقـعه قرض يا بنت إسوة : غير توا نحصلـو تاگسي گله ساهل روايات زهـروش السرتاوي .. أما عند ساجدة حالتها گانت منهارةة حرفيا وضع بوها زاد تأزم گانت مقمعزةة ع گراسي الإنتضار وتبگي بعد شوي هدت ومشت للريسبشن : لو سمحت .. مراد : تفضلـي !؟ ساجدة : نبـي نصلي مفيش مصلى هنا ؟ مراد : إلا في امشي طول من هنا وأرقي للدور الثاني تلقيه ع يدگ اليمـين ساجدة هزت راسها ومشت ناض من النـوم ع آذان المغرب شبح الساعه : اييح مزالي ربع ساعه بس .. خش يجـري للحمام غسل وتوضأ وصلى وطلع وطلع لبـس دبشه ونزل يجري لاقاه بوه : خيرگ ؟؟ غسان : راحت عليا نومة وقت ع الدوام انت خيرك مروح بگري ؟ محمد : تميت الإجتماع و روحت خوك وين حتى الإجتماع ما حضـره حشم بيا قدام المدراء غسان : منعلمش ني من بعد الظهر روحت رقدت .. هي توصي شيء ؟ محمد : سلامتك غير شوف خوك وين غسق تعيط من بعيد : غسساان جيبلي شكلاته غسان بصوت عالي : منييش وطلع ولع سيارته وأتصل بخوه : ها وينك عزام : قاعد ندور فـالبلاد غسان : تي شن تدور حي عليك باتي فاصل محضرتش الإجتماع عزام : ااه اي بگري وني ماشي للشرگه صارتلي شوي مواضيع هگي تأخرت غسان : ني قريب نوصل العيادة تم امورگ وتعالي عزام : به يصير خير غسان : سلام وصل العيادة نزل خش لقي مراد ع الريسبشن : السلام عليگم مراد : وعليگم السلام اهلين دكتور غسان : شن الأوضاع !؟ مراد : والله الحمدلله شن امورك انت .. غسان : منسألش فيك عن وضعك نسال ع العيادة والمرضى مراد ازلط : بالنسبه لحالتك وضعها احسن مشرف عليها الدكتور ناصر فـ غيابك اما حاله الراجل اللي جي من القريه زادت سوء غسان : لا حول ولا قوة ألا بالله ، ترا هات الملف نوقع ..وقع ومشي مراد : شن هالراجل اللي ديما قارنهم هوووف يربي شن هالعيادة اللي طحت فيها الحظ الأجرب هذا ..🙂↘️💔 روايات زهروش السرتاوي .. وهو راكب لمكتبه لفت نظره الدار اللـي نادر ما يلقاها مفتوحه تقدملـها شافها تصلـي وتبگي وجعـهه خاطره عليهاا رد الباب وگمل طريقه لمكتبه .. ساجدةة : كلمت إسوة خبرتها ورقيت نصلي فعليا متريحتش وهديت إلا لما صليت ودعيت وشگيت حالي لربـي طبقت الصلايه لبست گندرتي وطلعت من المصلى نحس فـ راسي يبرم نبـي قهوةة بس معرفتش وين رديت نزلت لوطةة قمعزت قدام العنايه .. روايات زهـروش السـرتاوي .. إسوة : وأخيراا هيا شگلها تاگسي ،، وقفت عليهم سيارة : وخيي ترفعنا لعيادة .... لسواق : تفضلي هي ،، وين شافهن نسوان نزل خدي منها الشنطه حطها فالشنطه من لاورة وسكر وهن رگبن .. فاطمة : تو ي إسوة من عقلگ تخلينا نسيبـو حوش عمتك ونلـودو فـالشارع ؟ يـماما تو گيف احني بنهـدو هد ع العيادة ولا شن .. إسوة : هذي مش عمه اللي هكي سمعتي كيف قالت بلا ربايه صحولا و تشبحـي فيها كيف گل يوم مقامرتني هي وبناتهـا وني ساگته لگن خلاص ما تحملت إلا واجد عادي تو نديـرو ارواحنا مريضين ويرقدونا فالعـيادة ره سمحه يخدمونا وماگله ونوم راحه على گيف گيفك 🙂 السـواق انفلق بالضحگ لأن صوتهن واصله 😂 فاطمـه بهمس : غمي فمك عطيك قصه فهاللسان إسوة : هو مجرد إقتراح بس فاطمه فنصت فيها وقرصت إسوة : اايي خيرگ تقرصـي 🙂 فاطمه : ↘️↘️↘️ عشر دقايق و وصلو العيادة قعدن يشبحن فـ بعض وگأن گل وحدة تقـول گيف بنديـرو .. روايات زهـروش السرتاوي .. سليمه : ره مش ناسيتك يفرخه انتي جربي يطلع گلام إسوة صح وطلعت وخلتهن