85
لمار تبگـي وتهز فـ راسها : هالحقيرة الگلبه امـتى شافتنـا
نطت لمـى سگرت باب الدار : متقوليليـش قاعدةة مع الشرشوح الگذاب نضـال
لمار : أسگتي لمى مش ناقصتك
لمى : ح نسگت توا لگن وربي يا لمار لو نسمع بيك تگلمي فيه ولا تطلعي معاه ني اللي بنخبر فيك بابا وماما
لمار : هكي هي ؟! مش ع اساس اخـتي وبير اسراري
لمى : ولاني اختك وخايفه عليك من الحقير هكي بندير تي ليش كلهم شايفينـه وشايفين وساخته إلا انتي معقولة حبك عماگ لهدرجه ..
لمار : طفي الضي بنرقد
نفخت وطفت الضي وخشت فراشها اما لمار فتحت هاتفها وبعتتله رساله ..
روايات زهروش السرتاوي ..
گالعادة مقمعزات فـ الجنان اللي بين الحيشان وقدامهن فوشار وشبس ..
ملك : هـسمعي
غسق : ها
ملك : ضا 🙂 شرايك بگرة نمشو السوق ؟
غسق : سوق شنو ؟
ملك : سوق السعي 🙂↘️
غسق ماتت ضحك 😂😂😭 : خيرك ماله بتـدوري ع خروف
ملك : نيهاهاهاها غير لا يا فنون الرد انتي ،، تي يا همي في محل منزل بضاعه قنينـه نشوفوها ..
غسق : عنـديش فلوس 💃
ملك : ع اساس ني معبيه تي نشحتو من هنا ومن هنا ونمـشو
غسق : السيارة عليك
ملك : به تم تم تو نلخبـط خوي يا نسرق سيارةة باتي
غسق : يا تلخبطي خوك يا تلخبطي خوك اما فلايـط وسواقتگ فگيني منهم هيواا
ملك : انتي غير ٱمنـي الفلوس بگرة قبل العصر بس
غسق : به به ربي يستر منك انتـي ..
#يتبـع..
#روايات_زهروش_السرتاوي..