روايــات🖤

إسوة : نعم يـماما وربي وصلت والعيادة امان مش بعتلگ رسالةة فاطمة : باهي گيف حال سجو وعمك سالم إسوة : سجو گويسه اهي جنبي اما عمـي سالم فـ العنايه ادعيله يـماما حالته متأزمه فاطمه : يرووحي ربي ينوضه طـيب لـبنيته ، تمام ماله خليگ مع سجو وسلميلي عليها وردي وين نتصل إسوة : تم حاضر .. سكرت من أمها والتفتت لـساجدة : تسلم عليگ ماما ساجدة : سلمك وسلمها .. مهم گمليلي وين خشيتي من الجنتل متاعك شن صار إسوة : احححح يـگبيدتي قلتـي جنتل وسگتي حقربي يـ سجوو يههبل زين ورجـولة وطول وعرض وعيـون وعصبيـه احححي ساجدة : حـقيرة مايعـةة قتلگش اوصفيه قتلگ گملي كيف جيتي لهنـا إسوة : وي حنهه ......... وهذا اللـي صار مزدتش عليك حرف 🙂 ساجدة : مصح وجها و وجه بناتهـا تي بربـي احسن ما درتـي اهو حصلتو شقه وامورگم تمام إسوة : اي اي ي حنهه يـريتني درتها من زمان ره مفتگيه من وجوه النگد ساجدة : يعني ع اساس انتي بريئه ومتلقحيش إسوة ترمش فـ عيونها : قلتـي بريئه وسكتي ☺️😂 اما ساجدة ضحگت وناضت تشـوف لِـبوها من الشباگ اللـي مفتوح نصه لحقتهـاا إسوة : ادعيلـه بس يـ سجو ساجدة دموعها فـ عيونها : متوقعتـش يجي يوم ونشوفه بـهالحاله مننگرش ان كان تاعب ويعاني بس مش لهـدرجه 💔 إسوة بـدموع : تعالي صلـي وادعيـله بس مش محتاج شـيء توا غير الدعاء ساجـدة : إسوة راسي بيـطربق نبي قهوةة إسوة : به اصبـري انتي هنا نمشي نجيبلگ ونجـي ساجدة : تي من و قاطعتها إسوة : غمفمگ بس دقايق ونگون عندك وطلعت تجـري للگافي اللي جنب العيادة اول ما خشت انـصدمت بِـالعدد الهائل من الشباب اللـي مقمعزين ويراجو فـالمباراة هدت سرعتها لأنها گانت بتطـير طيارة 😂 : اوييللي شن جابني ني الشباب مصـدومين فِـالبنت اللي جايه للقهوة فـ الليل وبدو اللي يلقـح واللي يعاكس واللي بارد رد يتفرج أما إسة فـ زمطت ريقها ومشت لصاحب الگافي : اا لو سمحت الراجل من خلف الطاولة : تفضـلي تبي شيء ؟ إسوة : نبـي شيء ماله شن جايه نتفرج ع خليقتگ من زينك يعني ؟ الشباب اللـي سمعو اطربقو ضحك الراجل انصدم فـ الرد : اطلعي برا إسوة : شن كافي بوك هو ! ترا سكرلي فمگ وهات زوز گريب وگابتشينو وقهوة وسط الراجل : مـ نبيعوش فيهن إسوة : ماله شن تبيعو ؟ والماگينات اللي وراك منظر ولا اللافتـه طويلة عريضه گافي ..... ولا فخفخه بس ؟ ناض واحد من الشباب وجي قدام اسوة : غـير هيا يـ خليفه اعطي للأنسه طلبها وخلها تمشي ع حالها شبحت فيه إسوة غمزلها فنصـت عيونها قاللها : الرقم يا حلو ونضبطلگ امورك احلـى ليلـة بالسعر اللي تبيـه رفعت ايدها عطـاته گف لين وذانه زنو : يا حقـير الأدب يا وسخ يلـي ما تحشم اقلب خلقتك من قدامي تحسابنـي نخدم فـ خدمه خواتك خززي والتفتت لِـصاحب الگافي : وانت هيا عطيني حاجتـي ولا نخش ناخدها بروحـي خليفـه : قتلگ مـنبيعوش فيه طلبگ هي تيسـري التفتت يمـين يسار لقت العيون گلها عليها "قـصدگم تو بنطـلع زي المهـزبه وهم يديروه ميعاد عشيه ! والله ما صـايرة " تخطت الولد اللـي ضرباته كف لان قعد واقف يشوفلهـا زي المهزب ومشت للـ..... #يتبع.. #روايات_زهروش_السرتاوي ....