103
روايـة قـدري
بارت 7
خش عزام للعبادة وجي للريسبشن : خير
مراد : خيرات عزام شجو
عزام : كويس ، غسان وين ؟
مراد : اهو قاعد هنا
عزام : عبيط انت ؟ عارفه هنا قصدي مشغول ولا ف مگتبه
مراد : مش عارف الحق
عزام : ماله شن تعرف ومشي وخلاه
مراد :🙂↘️↘️
عشر دقايق و وصلن المستشفى قعدن يشبحن ف بعض وگأن گل وحدة تقول گيف بنديرو
إسوة : اسمعي ماما انتي خليك فِـ جنينة العيادة مع الصغار لين نشوغ سجو وتو نديرلگم راي
فاطمة : يلعن راسك وراس اللـي يمشي ورا راياتگ تو جايبتينـا من حوش عمتك عشان نقعد فالجنينة
إسوة : هووفف يماما انتي متفهميش عليا بگل ،، هئحمم لو سمحت
السواق : نعم تفضلي ؟
إسوة : بالله متعرفش شقق إجار هنا
السواق : في فالشارع اللي ورا العيادة ني شخصيا ساكن فيهن
إسوة : گويس بگل به في شقه فاضيه
السواق : اي تقريبا الدور اللي تحتي فاضي
إسوة : تمام وصلنا ليهن
فاطمة : رجل گرسي ني قدامك ؟
إسوة : حشاك يماما لگن بسلامتك متسمعيش فِـ گلامي ف لازم نتصرف
السواق : نوصلكم ولا لا ؟
إسوة : اي اي وصلنا ليهن
وصلهن للعمارة ولقو شقتين فاضيات الشقه اللي مقابله السواق والشقة اللي تحته خشت إسوة للـدار : بالله يماما شوفي قنينه هذي اللي فـ الدور لوطي ابصر گيف امسخه
فاطمة : اي حسيتها مغمومه اللي لوطة
إسوة : خلاص معناها ناخدو هذي دارين وصاله ومطبخ وحمام وبلگونه وسعرها معقول وأهم شيء الدار اللي فيها سريريـن ليا هيووا ودار النوم خوديها انتي والصغار
فاطمة : مصح وجهك وخلاص سريرين شن تبي فيهم اللطف
إسوة : هـصلا هي لونها وردي يعني بناتيـه وهذيگا واسعه راه سرير مگبره يسدگم يسدگم صدقيني 🙂✌️
فاطمة : احني غير نشوفو ونتمو فيها بعدين ساهل
إسوة : خلاص تو نتم موضوعها مع الراجل نقوله اجار شهر لين تشوفي عملك شن قصته
فاطمة : وسجو ؟
إسوة : مش ناسيتها خلاص انتي ضمب الحوايج هنا وني بنتفق مع الراجل ونمشيلها هي باي
فاطمة : يبنتـي الدنيا ليل والط
قاطعتها إسوة : يماما متخافيش عليا بنتك بـ 10 رجال
طلعت إسوة لغفير العمارة اتفقت معاه ع المدة والسعر ومشت للعيادة لانها كانت قريبه زي ما قال السواق خشت للريسبشن : السلام عليگم
مراد : وعليگم السلام
إسوة : في مريض جابوهلگم بگري من القريه وين نلقاه ؟
مراد : حالته متسمحلگش تشـوفيه
إسوة : تسمحلـي متسمحليـش مليكش علاقه هو وين وبس
مراد ازلط : امشي طول ولفي ع يسارگ فِـ قسم العنايه
إسوة گشخت عليه : مش شگرا ومشت زي ما قاللها
مراد : لاقيينـي وجه هزايب ماه 🙂↘️
{ ما واجعنـي غير مراد من يوم عرفته وهو واقف ع الريسبشـن وياگل فـ الهزايب 🙂😂}
روايـات زهـروش السرتاوي ..
غسـان مقمعز فـي مكتبه شاد ملفات وتقارير يراجع فيهم
دق الباب : تفضـل
خش عزام : السلام عليكم
غسان : وعليگم السلامم
عزام : اختصر شن تبي ؟
غسان : غير بشويه انت ارخي روحك وقمعز
عزام : وراي مشاغل
غسان : ريت هالمشاغل هو حتى الاجتماعات ما يحضر فيهن
عزام : متقولش جايبني لحد هنا عشان تعطي محاضرة ع الاجتماع والعمل ؟
غسان : انت وينك معش نشوفو فيگ ؟ تطلع من الصبح تروح اخر اليل ؟
عزام : ع اساس انت قاعد فِـ الحوش
غسان : ع الاقل ني نجي لعملي ومعروف وين قاعد لگن انت شنو
عزام : اليوم بس ممشيتـش العنل الباقي ديما غادي مبري ذمتي وتوا تبي شيء بنمـشي ؟
غسان : وين ماشي !
عزام : هالك بنروح نرقد هي معسلامه
غسان : ني مزال مكملتش گلامي
عزام : نگملوه فالحوش وطلع
اما غسان هز راسه بِـأسف ورد لِـملفاته
روايا زهـروش السرتاوي ..
تمشـي تمشـي لين شافتها مقمعـزة ف نهايه الممر ع گرسي الأخت اللي ساندتها ولقتها وقت ضعفها اليد اللي مخلتهاش بروحها ولا خلتها تحتاج لحد الوجه اللي يطمن فيها والضحكه اللي تردلها فالروح اليوم شافتها ضعيفه مگسورة الجناح ودمعتها ع خدها جتها تجـري : سججو
رفعت راسها لِـمصدر الصوت وناضتلها تجري الناس گلها تشبحلهن گيف يجارن لـ بعض بس هنا كانن يشبحن فـ بعضهن بس ..
عبـرن عن شوقهن وحنينهن ولهفتهم والأيام اللـي مگاننش فيها مع بعض فـي عنااق طوويل قعدن ع هالحـاله قـريب عشر دقايق بعدها فگت ساجدة ايديها ودموعها ع خدها : بابا يـ إسوتـي بابا 💔
إسوة گرتها قمعزن ع الگراسي : هسس هسس ني نعرفگ أقوى من هگي ح يعيش ويتخطاها صدقيني ..
ساجدة هزت راسها : لا هو من بگري هنا وحالته گل مالها زايدة فـ الاسوء
إسوة : خلـي ايمانگ بـربي گبير وادعيله بس
ساجدة : اخخخ يارب ما تحرمـني منه ياارب .. ههئئئ حقه انتـي گيف جيتي ملياش نص ساعه مگلماتگ وامگ والصغار وين
إسوة : غير توا احگيلي انتـي من اللـي سعف عمي سالم لهنـا وگيف جيتي بعدها ح نحگيلگ
روايات زهـروش السرتاوي ..
عند فاطمه نضفت الشقه اللي گانت اساسا شبـه نضيفه لقت فِـ الثلاجه شوي خضرة طيبـت للصغار هشي ورقدتهم واتصلـت بـ إسوة : الو إسوة