روايــات🖤

لحظه اللي بتسلم فيها اخر ورقه إمتحان ليك فالشهادة الثانويه .. لحظه ما بتطلع لآخر مرة من المدرسه .. لحظه ما بتلم كتاباتك وبتحطهم عع جنب .. لحضه ما بترتاح لأنك تكون عارف إنك درت اللي عليك و وكلت آمرك لربي .. لحظه ما بيعلنو نتيجه الأوائل ..♥️ اللحظه المرعبه لما بتفتح الرابط وتكتب رقم الجلوس .. اللحظه اللي تلقى روحك فيها جبت المجموع والمعدل اللي تحلم بيه وكل شوي تتأكد من الأسم ورقم الجلوس مش تتأكد انه فعلا هذا أنت لحظه تشوف كل اللي يحبوك فارحين معاك والضحكه عع وجوهم أكثر منك .. ♥️ ولحظه تشوف المفاجأة في عين اللي هازيين عليك .. لحظه تشوف أن ربي عوضك عع كل تعبك حتى لو مجموعك مش كبير لحظه ما تلقى ناس تقولك "مش مهم المجموع والنسبه" بس أنت بالنسبه ليك مكانش مجرد مجموع او نسبه كان سهر ليالي وتعب كان حلم وطموح وأنت جريت وراه وحققته ..♥️ أول يوم فالثانوية يوم التقديم أول صحاب تعرفت عليهم .. ولحظه أنك جايه متشوقه عشان تشوفي صحباتك اللي كانن معاك من الإبتدائي والأعدادي .. لحظه إدراك أن ربي يبيك هنا لسبب معين ..♥️ كل اللحظات هذي تستاهل التعب والسهر والبهدله اللي عايشين فيها توا .. أحني أكثر دفعه خايفه من الشهاده بسبب الدفعه اللي قبلها والكلام اللي نسمعو فيه .. بس هذا كله مش مهم ولا ح نخلوه يأثر علينا .. الثانويه مهما كانت متعبه عمرها ما كانت عائق لينا ولا ح تكون .. ح نفكرو بالإيجابي ح نتعبو عع خاطر هلنا اللي دايرين كل جهدهم معانا ومش منقصين علينا حاجه ..♥️ ح نتعبو عع خاطر السنه الجايه نذكرو هاللحظات بحلوها ومرها ونضحكو عع أرواحنا ..♥️ #شهادة_ثانوية.. #بقلمي_زهروش ..