165
"الجزء الثامن من الحلقة 2"
للكاتبة: هبوش الغرياني 🤍
__
حلا..راقده وتنق : اووفففف به ربع نومه شن هدا
هدى..ناضت قعمزت: حد يفهمني شني فرشات ف المطر شن تحس جداناا؟؟
سجود..تتململ في مكانها: جدانا تستشعر
شهد مسحت ع عيونها وناضت من جنبهم خشت للحمام
هديل..شافت لشهد ورجعت عيونها للبنات: اخخخ ربي يعطيني شوي من نشاط شهد كيف ناضت عادي
سجود..شافت لسليمه: نوضو الميته هده لان جدانا كان جت بتقتلها
حلا..ضحكت وقربت تمسح ع شعر سليمه: سليمه...سليمتي..تبعد ف خصلات شعر سليمه من ع وجهه...سليمه نوضي اميمه بتجيك
سليمه: همممم...تلفت للجهه التانيه من غير ماتنوض
سجود..لاويه فمها: ياوخيتي الحنان اللي عندك يا حلا اعطي منه لماما لما تنوضني....شوفي شوفي كيف الناس تنوض.. قربت من سليمه وجبدتها من يداها وقعمزت وبدت تخض فها وتتكلم وتغلض في صوتها.... سليمهههههه نووووضيييي
حلا..تضحك وتبعد فها من علها : بتقتلاااههااا😂
سليمه..دفلت ع سجود ببصاره وناضت طلعت
هديل: ربي ميحطنيش مكان سليمه بس😂
هدى: احااا اختي المسكينه
سجود..ضحكتلهم واتكت: جعتتت
حلا..مسحتلها ع راسها : اولاا مفيش خبزه تاني مفيش فطور لن تنوض العيله كالعاده تبهديلللل ع الصبحح
هدى: وووك معاش تحكيلنا لوو سمحتي
هنيه..قامت الغطوات في يدها: هيا تلقوني لوطه.. وجت طالعه
سجود..قعمزت: كيف بيجفو فرشاتك من المطر يا اميمه
هنيه..تلفت علها: عندي مضله خير وبركه ننشر تحتها ونغسل تحتها نوضو بس
حلا..تأفف : صقعع اميمه وربي هلبا
هنية..سندت الباب وتلفتت علها: يلااا يلااا منبيشي الدلع اللي مديرهولكم هلكم نوضي البسي كويس انتي وياها والحقوني.. طلعت من قبل مايردو علها
ناضو رتبوا المنادير من فوق الفوق وبدوا يلبسوا..
حلا..نزلت تلبس في بوتها: هيااا را بنطلع ميمه بتغبرها علينا كنهاده
سليمه: به به نازلين احني اسبقينا عاادي
حلا وقفت ع المرايه وهي تصكر في تبها الزهري لفت شالها الابيض ع رقبتها ومحبتش تلبس وشاح حطت كبوسها الصوف ع راسها وشعرها كان مفتوح نازل لنص ضهرها❤.
فتحت الباب ولفت فيسع متجهه للمضله اللي فها جداها
محمد واقف من الشباك وهو يشرب في قهوته شاف بحيره لحلا اللي طالعه من الصبح قرب من الشباك لن شافها متجها لجداها قعمز وهو مطمن وشاف لتجاكت حلا اللي نسي يرجعها من امس..!!
#يتبع