120
الجزء التاسع من الحلقة 2 "
للكاتبة: هبوش الغرياني
روايه: تشوه مظلم🔥
سجود..شاده في يد سليمه: هياا هيا خفي رجلك
سليمه: بنت عمك زي البطه خليني نتكركب
شهد..ضحكت: بالعكسس...صح انك سمينه لكن حلو زايدك جمالل❤
سليمه ابتسمت بخجل لن سبقتهم شهد
سجود..شافت لسليمه: تحسابي حبيبك يعاكس فيك وعشتي اللحظه هي بطبوط
تلفتت ع هدى وهديل وتكلمت بصوت عالي : الأخيرررررر خشممممههه طووووويلللل... طلقت ايد سليمه وبدت تجري
بعد لسمعها قعدوا كلهم يجرو😂.
حلا قعدت تضحك وهي تشوفلهم جايين يجرو..
هنيه..فتحت الميه وهي تشوفلهم من فوق للوطه : صغيرات والله
البنات ضحكوا وكملوا شغلل معاها..
__
مسجاات:-
ايوب: حاليا بنيت حوش يعني؟
مازن: اي كان هكي احسن
ايوب: ارقي مكالمه
مازن رد ع المكالمه وكملوا حكيهم وبدي ايوب يحكي في معاناته في الغربه وكل شي مزال يصير..!'
__
حلا..شاده المكنسه: سجووود بلا حركات مفرخ جيبي اميه اهني صقع نبي نكمل فيسعع
سجود.. شاده السطل وتجري ووتجلز قربت وصبت اميه: استمتعي شويه شغل شغل شغل بشويه عليك
هدى..حدفتلها المكنسه: ماهو انتي عايشه اللحظه ومادرتي شي شدي نظفي شويه واستمتعي بعدها
سجود..ضحكت: اسفه لكن منعرفش
هديل..شافتلهم بضحكه: انتي بعقلك هدى منامتى بس سجود تنظف واظم زي البنات اخر العنقود شني متوقعه منها
حلا..ضحكت: خاطري في حياتك يا سجود
سجود: حسد هدا ولا شني نسميه...ضحكوا وهي كملت جري بالميه اما باقي البنات مكملين يغسلو فرشه ولا فرشه..
سليمه..شدت في حافه الشباك: وووه سجود قريب طيحتني ياسركك
سجود ضحكت وكملت جري تلفتت علها وهي تجري ولما وجهت وجهها القدام شافت حلا يلي ع طول خبطت فها وطاحو الزوز..
هدى..تضحك: الفجججي يااربي😂
حلا..وقفت متعصبه وهي تشوف لحوايجها اللي نبلوو
سجود..طايحه ع الارض وهي تشوف لملامح حلا: متقلنيش بالله!!
هديل.. تضحكك: بنمووت😂😂
حلا..شدت ايد سجود وجت توقفها زلقوا من جديد
حلا في هديك اللحظه مقدرتش تمسك ضحكتها واستمروا يضحكوا..
شهد تراقب ومره مره تضحك معاهم..
سليمه..تضحك: كنت نستنى فها تنوض تقتلها جت توقف فها بحنان تشلفطت معاها
حلا كملت ضحك ووقفت هي وسجود
حلا..شدت سجود من خدودها: حركاتك الغبيه بطليهاا
سجود..تضحك وتتوجع: من عيوني احح ههههه
حلا..بعدت علها وهي تشوفلها بضحكه تلفتت وتلاقوا للمره التانيه..!!
#يتبع❤️ #روايات_ليبية