روايـــتـــــك🤎.

رواية:تشوه مظلم للكاتبة:هبوش الغرياني "الجزء الثالت من الحلقة 3" مازن درس سيارته ونزل وقعمز ع حافه الطاولات وهو يشوف لنفس البنت يلي متعود يشوفها من شهرين فاتوا حرك قهوته وعيونه فها كانت لحظهه تأمله المعتاده اللي مايملش منها❤ نجلاء..شافت لصاحبتها ع جنب: بتقنعيني انه مش حبيبك؟؟ نسرين..شافت لمازن ورجعت شافت لنجلاء: تخيلي؟؟مستحيل نفكر نحب اصلا هدا مانقصني نجلاء..ضحكت ورجعت عيونها ليها: وعلاش لا؟ نسرين..نفخت وتكلمت:قرررففف نجلاء: ولو جاك واحد زي هدا..وشافت جهت مازن نسرين..تنهدت: من الباب هدا شور بوي دحنسه وجو وحركات مستحيل يعع نجلاء:عليك هبله ليه شهور يشوفلك اضحكيله اقل شي..نسرين ملامحه نادره نسرين:تححلمي امشي ترا نجلاء..ضحكت:خلاص املا خليهولي نسرين..رشفت من القهوه وحطتها: هو ليك مازن تابعها بعيونه لن شافها تخش محاضرتها تنهد وهو متردد اليوم يحكي معاها او هدا غلطط وهو مش متعلم هكي رجع بخطواته للخلف لن وقفه صوت ينادي بإسمه مازن..تلفت وهو يشوفلها بحيره في يداها طفل عمره شهور استمر يشوفلها وهو ساكت فاطمة..تنهدت وقربت جهته: مذكرني مازن؟؟ مازن هز راسه بــ اي!! فاطمة..نزلت عيونها ورجعت شافتله:كيف احوالك توا؟؟ مازن..شاف للطفل ورجع شافلها: تخليتي؟؟ فاطمه: عع شن تخليت مازن..زادت حدتت صوته: عليهه تخليتي عليه انتي فاهمهه شن قصدي فاطمه:لاا بنسألك عليه بس انت عارف أيوب شن دار ومليشي أثرر في البلادد نبي نعرف هو وين مازن: مشش وقتهه...ايوب يعرف؟ فاطمه..رفعت عيونها فيه ببرود: بشني؟؟ مازن..مسح ع وجهه وشاف للطفل وتكلم: باللي ف حضنك!! فاطمة..ابتسمت ع جنب ورجعت شافتله:خيره؟؟ مازن..قرب منها اكتر وهو يشوف لعيونها بحده:متحاوليش تستفزيني فاطمه ايوب يعرف انك تجوزتي من وراه؟؟ فاطمه..حطت يدها بخفه ع كتفه وبعداته خطوه من علها:اول شي اناا منحاولش نستفزك تاني ليش حارق روحك انت علاقتي بيه مش بيك و اخرر شي كنت مخطوبه من 5 سنين مازن..فتح عيونه مصدوم وهي يردد فها:5 سنين؟؟..سكت فتره ورجع تكلم:شن تبي؟؟ فاطمة..غطت وجهه ولدها وشافتله: كنت نبي نتأكد انك بخير بس بعد لصار وانت عارف مازن..ضحك بهزوه ورجع قرب منها وهو يتكلم بصوت واطي:فاطمه ردي بالك من روحك كويس فاطمة شافتله بقله فهم مازن..بعد بخطواته للخلف وتنهد وكمل كلامه: حاولي تختفي من المنطقه او حتي من ليبيا كلها لانه في هلبا حجات مش سمحه ممكن تصير ردي بالك من ولدك وراجلك في هلبا حجات انتي عميه عليها وياريت معاش تطلعي قدامي بالذات.. شافلها بأخر نظره ومشي من غير مايسمحلها حتي ترد بحرف!! فاطمه شافت لولدها وهي مش مهتمه بولا كلمة قالها مازن #يتبع